Uncategorized

जयंतीदिनी बापूंची अवहेलना; नशिबी प्लॅस्टिकचे आवरण, स्मारकाकडे कोणी फिरकलेच नाही

लाखनी (जि. भंडारा) : जगाला ज्यांनी सत्य व अहिंसेची शिकवण दिली व जे आपले राष्ट्रपीता आहेत अशा महापुरुषाच्या चरणी जयंतीदिनी एकही फूल अर्पण करण्यात आले नाही. फूल आणि हार तर सोडाच त्यांच्या स्मारकाची साधी स्वच्छतादेखील करण्याचे सौजन्य प्रशासनाने दाखवले नाही. हा संतापजनक प्रकार येथील महात्मा गांधी स्मारकात पुढे आला.

२ ऑक्टोबर, राष्ट्रपीता महात्मा गांधी यांची जयंती. या दिवशी   सरकारी सुटी असते. गांधीजींच्या जयंतीदिनी शासन-प्रशासनाद्वारे देशभर विविध कार्यक्रमांचे आयोजन करण्यात येते. मात्र, लाखनीत वेगळाच प्रकार उघडकीस आला. लाखनी येथे गांधी स्मारक निधीतून राष्ट्रपीता महात्मा गांधी यांचे स्मारक उभारण्यात आले.

अधिक वाचा – जेवताना पोळी कधी आणि किती खावी? जाणून घ्या आहारतज्ज्ञ डॉ. कविता गुप्ता यांच सल्ला

 

मधल्या काळात या स्मारकाचा वाद न्यायालयात पोहोचला. तेव्हापासूनच येथील पुतळ्याच्या नशिबी प्लॅस्टिकचे आवरण आले. गत अनेक वर्षांपासून या आवरणात गांधीजींचा श्वास गुदमरतोय पण याची चिंता कुणालाही नसल्याचे गांधी जयंतीला सिद्ध झाले.

स्थानिक प्रशासनाने किमान जयंती व पुण्यतिथीला या स्मारकाची स्वच्छता करून कार्यक्रम घेणे अपेक्षित होते. मात्र, त्यांनाही याचे काही सोयरसुतक नसल्याचे दिसून येते. तहसीलदार मल्लिक विराणी यांना कोरोनाची लागण झाल्याने ते सुटीवर आहेत. तर प्रभारी तहसीलदारांचे या क्षुल्लक गोष्टीकडे लक्ष गेले नसावे.

हेही वाचा – भरचौकात हत्या झालेल्या गुंडाच्या अंत्यसंस्काराला उसळली हजारोंची गर्दी; नागपुरात गॅंगवॉर भडकण्याची शक्यता

स्मारक समितीचे अध्यक्ष डॉ. विकास गभने यांनी न्यायालयीन वाद सुरू असल्याचे कारण पुढे करून वेळ मारून नेली. तसेच एरवी छोट्या-छोट्या गोष्टींसाठी रस्यावर उतरणाऱ्या समाजसेवी संघटना देखील बापूंच्या स्मारकाकडे भटकले नाही. तर मग अवहेलनाच करायची असेल तर महापुरुषांचे पुतळे उभारायचे कशाला, असा प्रश्न यानिमित्ताने उपस्थित झाला आहे.

वाद न्यायप्रविष्ट
महात्मा गांधी स्मारकाचा वाद न्यायालयात आहे. जिल्हा न्यायालयाने श्री पुरुषोत्तम नागपुरे यांना जागा रिकामी करण्याचे आदेश दिले आहेत. मात्र, त्यांनी उच्च न्यायालयात धाव घेतली आहे. उच्च न्यायालयाने जिल्हा न्यायालयाच्या आदेशावर स्थगनादेश दिला आहे. त्यामुळे आम्ही महात्मा गांधींच्या जयंतीचा कार्यक्रम घेतला नाही.
– डाॅ. विकास गभने
अध्यक्ष, महात्मा गांधी स्मारक समिती, लाखनी

सविस्तर वाचा – अचानक का कमी झाली कोरोना बाधितांची संख्या? अतिशय धक्कादायक कारण आले समोर

मी सुटीवर होतो
मला कोरोनाची लागण झाल्याने सुटीवर होतो. कामाचा प्रभार श्री. मडावी यांच्याकडे होता. त्यामुळे त्यांनी गांधी जयंतीच्या कार्यक्रमाचे नियोजन करणे अपेक्षित होते.
– मल्लिक विराणी,
तहसीलदार

संपादन – नीलेश डाखोरे


Source link

editor-in-chief

editor-in-chief and Owner GOPAL D.WADHE - 8308444934 active news - "सत्याचा सारथी असत्याचा कर्दनकाळ" महत्वाची सूचना : activenews.in या न्यूज डिजीटल मेडिया मध्ये प्रसारीत होणारे विविध विषयांवरील लिखाण, डॉक्युमेंट्री, जाहिराती, विविध मान्यवरांची मते व त्यांच्या लिखाणाशी active news चे संपादक मंडळ सहमतच असेल असे नाही...

Related Articles

Back to top button
active news या डिजिटल वेबन्यूज पोर्टल वरील सर्व बातम्या,व्हिडिओ आणि फोटोचे हक्क मुख्यसंपादक श्री गोपाल वाढे यांचे कडे असून त्यांच्या पूर्वपरवानगी शिवाय कोणीही कॉपी करू नये . पोर्टल वरील बातमी कॉपी करणे दंडनीय अपराध आहे .