समनक जनता पार्टीच्या वाशीम शहराध्यक्ष पदी राजू काळे यांची निवड
वाशीम : ( दि. 7 ऑगस्ट ) जय मानवता, जय संविधान, जय भारत, जय विज्ञान, जय जवान, जय किसान हे ब्रीद घेवून स्थापन झालेल्या समनक जनता पार्टीच्या वाशीम शहराध्यक्ष पदी सामाजिक कार्यकर्ते, राजू उर्फ रवींद्र नामदेवराव काळे यांची निवड करण्यात आली आहे. पक्षाचे प्रदेशाध्यक्ष डॉ. रामकृष्ण कालापाड आणि जिल्हाध्यक्ष गजानन धामणे यांनी नियुक्तीपत्र देऊन सदर निवड केली.
स्थानिक अकोला नाका येथिल समनक जनता पार्टी च्या जनसंपर्क कार्यालयात दि. 4 जून रोजी बैठक पार पडली. यावेळी बैठकीच्या अध्यक्षस्थानी प्रदेशाध्यक्ष डॉ. रामकृष्ण कालापाड हे होते. यावेळी प्रमुख पाहुणे म्हणून गोरसेनेचे राष्ट्रीय अध्यक्ष प्रा. संदेश चव्हाण यांची उपस्थिती होती. यावेळी पक्षाचे जिल्हाध्यक्ष गजानन धामणे यांनी शहरातील चामुंडा देवी परिसरातील रहिवासी तथा सामाजिक कार्यकर्ते, व्यवसायिक राजू नामदेवराव काळे यांच्या कार्याची दखल घेवून त्यांची शहराध्यक्ष पदी निवड करुन नियुक्तीपत्र प्रदान केले.
यावेळी नियुक्ती बाबत बोलतांना राजू काळे म्हणाले की, पक्षाच्या ध्येय धोरणानुसार शहरात काणाकोपऱ्यात पक्षाचे कार्यकर्ते निर्माण करुन शहरातील नागरिकांच्या समस्यांना वाचा फोडण्याचे काम प्राधान्याने करणार असल्याचे सांगितले. तसेच लवकरच शहर कार्यकारिणी घोषित करुन कार्यकर्त्यांची मोठी फळी निर्माण करणार असल्याचे सांगितले. निवडीबदल काळे यांचे सर्वत्र कौतुक होत आहे.
यावेळी
अजय सोनूनकर, राहुल आंबेकर यांच्यासह समनक जनता पार्टीचे पदाधिकारी व कार्यकर्ते उपस्थित होते.
फोटो – राजू काळे यांना नियुक्तीपत्र देतांना प्रदेशाध्यक्ष डॉ. रामकृष्ण कालापाड, जिल्हाध्यक्ष गजानन धामणे