Uncategorized

पती रोज तिच्या चारित्र्यावर संशय घ्यायचा…मग पत्नीने काढला त्याचा काटा

भद्रावती (जि. चंद्रपूर) : शहरातील किल्ला वॉर्डातील गणेश वाटेकर याने गळफास लावून आत्महत्या केल्याची घटनेला आता वेगळे वळण मिळाले आहे. पोलिस तपासात या व्यक्तीची हत्या त्याच्या पत्नीने केल्याचे निष्पन्न झाले आहे. या प्रकरणी पत्नीला अटक करण्यात आली आहे.

 

गणेशचा दोन वर्षांपूर्वी विवाह झाला. त्यांना दीड वर्षांची मुलगी आहे. गणेशचे शिक्षण त्याच्या पत्नीपेक्षा कमी होते. सोबतच पत्नीच्या चारित्र्यावर तो संशय घ्यायचा. यातूनच त्यांच्यात रोज खटके उडायचे. त्यामुळे पत्नी अनेकदा माहेरीसुद्धा निघून गेली होती.

 

गळफास लावल्याचा केला बनाव

काही दिवसांपूर्वीच गणेशच्या आई-वडिलांनी त्यांना वेगळे राहण्यास सांगितले. तो किल्ला वॉर्डातच भाड्याने राहत होता. दरम्यान 21 मे रोजी रात्री बारा वाजताच्या दरम्यान गणेशने गळफास लावून आत्महत्या केल्याची माहिती पत्नीने शेजाऱ्यांना दिली. शेजारी घटनास्थळी पोहोचले. तेव्हा गणेश पलंगावर मृतावस्थेत पडून होता. छताला एका दोर लटकलेला होता. थोड्याच वेळात पोलिसही तेथे पोहोचले. पोलिसांनी मर्ग दाखल केला.

असं घडलंच कसं : जंगलात जाऊन तेंदूपाने केले गोळा अन् कुटुंबाच्या मदतीने तयार केले मुडके; मात्र, केंद्रावर घडला हा प्रकार…

अन्‌ पत्नी पोपटासारखी बोलू लागली

दुसरीकडे मृताचा भावाने घातपात झाल्याची तक्रार दिली होती. शवविच्छेदन अहवाल आल्यानंतर पोलिसांनी पत्नीला ताब्यात घेतले. सुरुवातीला तिने उडवाउडवीची उत्तरे दिली. मात्र पोलिसी खाक्‍या दाखविताच तिने पतीचा खून केल्याची कबुली दिली. तिने पतीचे दोन्ही हात बांधले. त्याच्या नाकातोंडावर उशी ठेवून श्‍वास रोखून त्याला मारल्याचे तिने कबूल केले. तिच्यावर खुनाचा गुन्हा दाखल करण्यात आला आहे.


Source link

Share
bhavnatai gawali

मुख्य संपादक

GOPAL D.WADHE - 9970956934 Active न्युज for Active Person's महत्वाची सूचना : active न्यूज, चॅनल मध्ये प्रसारीत होणारे विविध विषयांवरील लिखाण, डॉक्युमेंट्री, जाहिराती, विविध मान्यवरांची मते व त्यांच्या लिखाणाशी active न्यूज, चॅनलचे संपादक मंडळ सहमतच असेल असे नाही...

Related Articles

Leave a Reply

Your email address will not be published. Required fields are marked *

Back to top button
ह्या वेबसाईट वरील सर्व बातम्या लेख आणि फोटो चे हक्क गोपाल वाढे यांचेकडे असून पूर्वपरवाणगी शिवाय कॉपी करू नये.
Close

Adblock Detected

Please consider supporting us by disabling your ad blocker
%d bloggers like this: