Uncategorized

संकटकाळातील देवदुत, कर्मचा-यांना वाटले कापडी मास्क

संदीप रायपूरे
गोंडपिपरी : कोरोना व्हायरसने देशात सर्वाधिक धुमाकुळ महाराष्ट्रात घातला आहे. ही परिस्थिती आटोक्‍यात आणण्यासाठी संपुर्ण राज्यासह देशात लॉकडाउन करण्यात आले आहे. शासनाच्या विविध यंत्रणा गावोगावी प्रभावीपणे आपले कर्तव्य पार पाडत आहेत. पण मास्कचा असलेला तुटवडा ही त्यांच्यासाठी चिंतेची बाब आहे. यामुळे गणेशपिपरी येथील मनीष वासमवार यांनी कापडाचे मास्क तयार करून ते विविध यंत्रणांना वितरीत करीत सामाजिक दायीत्व जोपासले आहे.
कोरोनाची परिस्थिती नियंत्रणात यावी यासाठी गल्लीपासून दिल्लीपर्यत आरोग्य, पोलीस व महसूल प्रशासन धावाधाव करीत आहे. अशावेळी मास्कचा प्रचंड तुटवडा निर्माण झाल्याने त्यांच्याही चिंतेत वाढ झाली आहे. अशा कर्मचा-यांना मास्कची सुविधा उपलब्ध करण्यासाठी मनीष वासमवार हे पुढे सरसावले. ते स्वत पंचायत समीतीचे सदस्य आहेत. सोबत गोंडपिपरीत त्यांची पॅथालाजीही आहे. कर्मचा-यांना व रूग्णांना वारंवार एकच मास्क कामी यावा यासाठी त्यांनी कापडी मास्क तयार केले. साधारण अशा पध्दतीचे पाचशे मास्क त्यांनी नगरपंचायतीतील कर्मचारी,स्वच्छता कर्मचारी,पोलीस प्रशासन,तहसिल प्रशासनातील कर्मचा-यांना सुपुर्द केले. गोंडपिपरीच्या तहसिलदार सीमा गजभिये, ठाणेदार संदीप
धोबे,यांच्यासह विविध विभागातील कर्मचा-यांना हे मास्क वितरीत करण्यात आले. विशिष्ट कॉटन कापडाचे डब्बल लेअरचे मास्क असून दिवसभर मास्क लावल्यानंतर पुन्हा स्वच्छ धुतल्यांनंतर त्याचा वापर करता येतो.

सविस्तर वाचा – पोलिस इन ऍक्‍शन मोड! रस्त्यावर फिरणाऱ्यांना चोप, उठाबशांचीही शिक्षा
प्रशासनातील विविध घटकांना मास्कचे वितरण केल्यांनतर त्यांनी रूग्णांना मास्क पुरविणार असल्याचे सांगितले आहे. कोरोनापासून बचाव करणे ही सामुहिक जबाबदारी आहे. पण याकामासाठी प्रशासनातील विविध कर्मचारी दिवसरात्र एक करीत आहेत. त्यांना किमान दिलासा मिळावा या हेतूने मास्क वितरण करण्याचा उपक्रम राबविल्याचे मनीष वासमवार यांनी सकाळशी बोलतांना सांगितले.  

 


Source link

Share

मुख्य संपादक

GOPAL D.WADHE - 9970956934 Active न्युज for Active Person's महत्वाची सूचना : active न्यूज, चॅनल मध्ये प्रसारीत होणारे विविध विषयांवरील लिखाण, डॉक्युमेंट्री, जाहिराती, विविध मान्यवरांची मते व त्यांच्या लिखाणाशी active न्यूज, चॅनलचे संपादक मंडळ सहमतच असेल असे नाही...

Related Articles

Leave a Reply

Your email address will not be published. Required fields are marked *

Back to top button
ह्या वेबसाईट वरील सर्व बातम्या लेख आणि फोटो चे हक्क गोपाल वाढे यांचेकडे असून पूर्वपरवाणगी शिवाय कॉपी करू नये.
Close
%d bloggers like this: